وكل مرة بكتشف إنو الوقت بكون ضيق لأعمل هيدا الشي فا قررت إنو من اليوم ورايح أعمل وراق جاهزة ووزعها عليهم شي يطلعوا بالطيارة بتفسرلم/ن كل شي معقول يصير معهم/هن ولمين يدقو بس يصير وكيف يتصرفو يعني متل كتيب صغير إنتروداكشن تو ليبانيز رايسيزم وان أو وان هيك شي.
كل هيدا قررتو وتخيلتو أنا وراجع من الهند مع ١٠٠ هندي وهندية وحتى تخيلت المنظر لما حا يوقفوهم/هن عاجنب بمطار بيروت وينطروهم/هن شي ساعة قبل ما يمشوهم/هن و تخيلت حالي كيف حا إحتج عا هيدا الموضوع وجرب خلي غيري يحتج ونطر إختي يلي جايي تاخدني برا شي ٣ ساعات بس هيدا كلو كوم و يلي صار كوم تاني.